القاهرة – «القدس العربي»: ردت الفنانة المصرية الشابة نسرين أمين خلال لقائها في برنامج «الصورة مع لميس الحديدي» على سؤال عن الدور الذي ترفض تقديمه فقالت: «مفيش أدوار جريئة في العصر دا ملحقتش مرحلة أدوار الإغراء مبقتش موجودة عشان أقول أنا ليا شروط ملبسش مايوه أو مفيش قبلات، هو في حد تاني قابلها هي مش موجودة».
وتابعت موضحة الأدوار التي ترفض المشاركة فيها: «بيبقى في الشغل طبيعة مشاريع فيها حاجة مش حلوة ضعيفة إنتاجيا أو إخراجيا والورق بتاعها مش حلو دي علامات أني مقبلش المشروع، أو في الاتفاق مثلا حاجات تعرفني أن الشركة دي مش مظبوطة فممضيش معاها عشان مدخلش في مشاكل».
وكشفت عن الأدوار التي ندمت على الاعتذار عن عدم المشاركة فيها وقالت: «كل الشغل اللي اعتذرت عنه مندمتش عليه، ماعدا مسلسل «جزيرة غمام» ومسلسل «فهد البطل» اعتذرت عنهما وندمت، بس طبعا اللي عملوهم أحسن مني مليون مرة».
على جانب آخر، يعرض لنسرين أمين أحدث أعمالها فيلم «ريد فلاج» من بطولة أحمد حاتم وجميلة عوض وميمي جمال وشريف منير وانتصار وريم خوري ورحاب الجمل، تأليف أحمد محيي وإخراج محمود كريم.
كما تظهر نسرين ضيفة شرف في فيلم «مطلوب عائليا» الذي يعرض في دور العرض السينمائية.
